“معرفش ليه؟” شعر: محمد ربيع

معرفش ليه……
كل ما أشوفك ببتسم
وبيحتار دليلي وينقسم
ما بين ..
أنك ملاك غير البشر
أو ضي نازل م السما
يمحي النجوم ويا القمر
معرفش ليه..
قلبي اللي كان حتت حجر
لان بين عنيكِ وانكسر
خدوه رموشك للمحيط
وفى النني دوامة خطر
النار بتسرح من سكات
والأه بتطلع بالشرر
يا نسمة الصيف الخفيف
فى أحر ساعه من السفر
مش درة وحده من النفيس
إنتِ النفيس من الدرر
معرفش ليه..
كل الكلام . . .
قصاد عنيكِ مستحل
بنسى السلام . . .
وبتهته الوصف الجميل
معرفش ليه..
انا كل ما اشوفك ببتسم؟!.
………..
******
…………
ماشي في دايرة مقفولة
وأيدي يا بكرة مغلولة
وصوتي برسله بالهمس
بخاف منك ل تسمعني
ومن أحلامي تمنعني
وأنا نفسي أدوق الشمس
أدوق الرزق في القيلة
وقله بتسهر الليلة
تسبح وردها للفجر
أو عاك يا بكرة تبعدني
من أحلامي اللي محلومة
وأقوم من نومتي على ليلتي
ومن ليلتي ل 100 قومة
إوعاك يا بكرة تحرمني
وهات لي يا عم محلومة
تكون بالله مقسومة
ما بين الضي وصلاتي
وإن كان على حلمي
مش عاجب فمش لازم
مسير الحي راح ينسى
ومسير الصبر يتراضى
وأشوفه بعيني راح يرسى
بس هات الضي لحياتي
ل اموت ربان بلا مرسى.
………….
محمد ربيع