بين روح وروح .. شعر: محمد حسني ابراهيم
شارك
بين روح وروح
1-عن اول احساس من ريقها
وطريقها ودمعة على خدودها
وسدودها موانع بتعاكسك
عن اول لمسة لكف الايد
عن لمسة حزينة ف عمر بعيد
بيشاور بس معاه روحه
من آخر كلمة ف شباكها
ولاخر روح
تعرفني وتعرف ف بريقها
عن اول احساس من ريقها
2-عن آخر واحدة ترد الروح
وترجع صوري وكشاكيلي
تشكيلي بطعم البعد جروح
وف آخر السكة ب تحكيلي
اهو كان ياما كان
افتكر الغولة واخاف منها
وأحلم على اول سطر يروح
افتكرك بس ف ليل مجروح
مستني لروحي يشُر نهار
وده كون صبار
ف غيابها مفيش ف ورودها البوح
عن آخر واحدة ترد الروح
اقرأ المزيد:
(المؤامرات العادية).. شعر بالعامية المصرية .. للشاعر: عمر هلال
شارك
www.elmkal.com/?p=40266
تعليقات